Падраздзяленні Сухапутных войск Літвы атрымаюць мадэрнізаваныя гусенічныя бронетранспарцёры М577, паведаміла Міністэрства нацыянальнай абароны краіны.
Кантракт на 168 ужо не новых машын з ангараў нямецкай арміі будзе каштаваць Вільні 1,6 млн еўра.
«Узброеныя сілы Літвы купляюць камандна-штабныя, медыцынска-эвакуацыйныя, вучэбныя і артылерыйскія браніраваныя транспартныя машыны M577 у добрым тэхнічным стане, якія запоўняць недахоп бранетэхнікі», - гаворыцца ў афіцыйным каментары.
M577 - варыянт амерыканскага гусенічнага бронетранспарцёра М113 часоў халоднай вайны. Яны паступяць у Літву ў 2017—2019 гадах і будуць пераробленыя ў 120-мм самаходныя мінамёты, медыцынскія і вучэбныя машыны.
У якасці стандартнага бронетранспарцёра Летува выкарыстоўвае таксама М113, атрыманыя ад нямецкай арміі ў пачатку 2000-х.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай10
Каментары