Сіноптыкі папярэдзілі, што ў выхадныя, 11 і 12 ліпеня, у Беларусі чакаецца няўстойлівае надвор'е з дажджамі, навальніцамі і месцамі моцнымі залевамі.
У суботу надвор'е будзе вызначацца вобласцю паніжанага атмасфернага ціску і няўстойлівымі паветранымі масамі. На большай частцы краіны пройдуць кароткачасовыя дажджы, а ўдзень у асобных раёнах магчымыя моцныя залевы і навальніцы. Месцамі ўначы і раніцай можа згушчацца туман. Вецер будзе пераменных кірункаў, пры навальніцах — парывісты.
Тэмпература паветра ўначы складзе ад +9 да +15 градусаў, удзень — ад +18 да +24.
У нядзелю надвор'е будзе фармавацца пад уплывам атмасферных франтоў і няўстойлівых паветраных мас. Уначы ападкі чакаюцца месцамі, а ўдзень дажджы пройдуць ужо на большай частцы тэрыторыі краіны. У асобных раёнах зноў магчымыя моцныя залевы і навальніцы. Не выключаны таксама туман.
Вецер будзе паўночнага напрамку, пры навальніцах — з моцнымі парывамі. Уначы чакаецца ад +9 да +16 градусаў, удзень паветра прагрэецца да +18…+24 градусаў, а ў паўночных раёнах краіны — да +26 градусаў.
А пасля, паводле прагнозаў Белгідрамета, пасля перыяду няўстойлівага надвор'я ў Беларусь зноў павінна вярнуцца летняя спякота.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары