Усяго патроху77

«Я быў малады, зараз мяне самапіяр не цікавіць». Чым сёння займаецца той самы бажэственны Зураб?

Аднойчы, дзякуючы нарысу пра сябе, замоўленаму ў часопісе «Пінгвін», прадпрымальнік Зураб Аруджаў прачнуўся знакамітым. Ён хацеў, каб пра яго гаварыў увесь Мінск, а атрымаў нават больш. Пасталеўшы, Зураб не імкнецца да рэкламы сваёй асобы, гадуе разам з жонкай дачку, а на днях распачаў новую для сябе справу: адкрыў студыю фларыстыкі.

Зураб версіі часопіса «Пінгвін».
Бажэственны Зураб сёння.

«Бажэственны Зураб. Бажэственны — менавіта так ахрысцілі яго тата-азербайджанец і мама-беларуска. І хоць імя яго па паходжанні грузінскае, таму што бабуля яго была грузінкай, гэта толькі дадае разыначку яго знешнасці і характару. Зураб… Незвычайны, шчыры, яркі, эпатажны, моцны, высакародны — можна да бясконцасці пералічваць усе яго мужчынскія якасці. Ён проста любіць добрыя аўтамабілі, і яны яму пасуюць! Ён малады і амбіцыйны. Ён любіць усё самае лепшае — найлепшыя курорты, найлепшыя клубы і рэстараны, адпачывае заўсёды толькі ў найлепшых гатэлях, ён п'е толькі найлепшае шампанскае…».

Калі вы не памятаеце гэтых радкоў з «інтэрв'ю тысячагоддзя», то вы ці занадта малады, ці проста жывяце ў медыявакууме. У 2011 годзе рэдактар і аўтар мінскага часопіса «Пінгвін» Ірына Кабасакал прысвяціла прадпрымальніку Зурабу вялікі тэкст-оду, які адразу ж, дзякуючы форме і гратэскнаму зместу, разляцеўся па інтэрнэце і прынёс выданню раней не бачаныя рэйтынгі. На жаль, часопіса не засталося, таму арыгінальнай спасылкі на артыкул не захавалася, але, калі вы спытаеце ў гугла пра бажэственнага Зураба, ён усё адно выдасць нямала вясёлых спасылак і бурных каментарыяў.

Як і шэсць гадоў таму, Зураб Аруджаў імкнецца да раскошы і займаецца бізнэсам. Асноўная сфера дзейнасці — будаўніцтва. Паспрабаваць сябе ў фларыстыцы мужчына вырашыў не столькі дзеля грошаў, колькі для душы: «Мне заўсёды хацелася займацца чым-небудзь, што цешыла б вока, так што салон з кветкамі — гэта, можна сказаць, справа для душы. Следам за адным буціком, спадзяюся, адчынім яшчэ дзве кропкі», — расказвае прадпрымальнік.

Узгадваючы падзеі, пасля якіх ён прачнуўся зоркай, Зураб кажа, што зараз, пасталеўшы, ён наўрад ці пайшоў бы на такое.

«Піяр бізнэсмэну не дапаможа. Ты ці ідзеш і дасягаеш новых вышыняў самастойна, ці не. Тады мяне пачалі пазнаваць візуальна, больш увагі атрымліваў ад жанчын, гэтыя факты прыйшлося хаваць ад жонкі… Карацей, мала карысных наступстваў, толькі што весела было. Але я ні пра што ў жыцці ўвогуле не шкадую, што было — то было, яно застаецца ў мінулым».

Праз шэсць гадоў пра гісторыю з бажэственным Зурабам узгадваюць, у асноўным, сябры і знаёмыя галоўнага героя падзей: час ад часу пажартуюць на гэтую тэму, але не больш за тое. Галоўнае, што мара прадпрымальніка, якую ён агучваў Ірыне Кабасакал, спраўдзілася: нарадзілася дачка Мялання, з якой ён і праводзіць увесь вольны час.

«Наша Нiва» — бастыён беларушчыны

ПАДТРЫМАЦЬ

Каментары7

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць