Google распрацоўвае тэхналогію публікацыі навін з медыякантэнтам па аналогіі з дадаткам Snapchat.
Пра гэта паведамляе The Wall Street Journal.
Праект носіць назву Stamp, дзе «St» азначае Stories («Гісторыі»), а «amp» — Accelerated Mobile Pages — сэрвіс для стварэння навінавых артыкулаў, якія хутка загружаюцца ў мабільных браўзерах. Апошні Google развівае з 2015 года.
Адзначаецца, што Stamp будзе прэзентаваны пасля 7 жніўня. З яго дапамогай СМІ і брэнды змогуць ствараць «гісторыі» — слайды з тэкстам, фота і відэа, якія можна гартаць.
Stamp будзе прывязаны да пошуку Google. Акрамя таго, выдаўцы змогуць публікаваць створаныя «гісторыі» на сваіх сайтах, у той час як кантэнт, створаны ў Snapchat, даступны для прагляду толькі ў дадатку сэрвісу.
Па дадзеных выдання, кампанія Google вяла перамовы аб выкарыстанні Stamp з Vox Media, CNN, Time, The Washington Post і іншымі медыякампаніямі. Дэталі перамоваў і магчымых здзелак невядомыя.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)