Палітзняволеная дырэктарка віленскай друкарні Алеся Буневіч выехала з Беларусі і ўз'ядналася з сям'ёй ФОТАФАКТ
Сузаснавальніца віленскай друкарні і крамы A2 Print Алеся Буневіч правяла за кратамі больш за 2 гады.
Буневіч апублікавала ў інстаграме сторыс з мужам і сынам, падпісаўшы яго «мае хлопчыкі».
Алесі Буневіч 34 гады. Родам яна з Маладзечна, дзе жыла да 2021 года. У Беларусі мела невялікую турфірму, а пасля пераезду ў Вільню стала сузаснавальніцай друкарні і крамы A2 Print. У красавіку 2022 Алеся часова вярнулася ў Беларусь.
Неўзабаве яе затрымалі. Алесю абвінавацілі ў тым, што яна мусіла дапамагчы «рэйкавым партызанам» Яўгену Мінкевічу, Дзмітрыю Клімаву, Уладзіміру Аўрамцаву выехаць з Беларусі.
Спачатку яе вінавацілі ў «здзяйсненні тэрарыстычнага акта групай асоб па папярэдняй змове», але пасля справу перакваліфікавалі на «наўмыснае незаконнае перасячэнне мяжы арганізаванай групай» (ч. 3 арт. 371 КК РБ). Пра гэта стала вядома з фільма БТ. Сама Буневіч, імаверна, адмовілася даваць інтэрв'ю Ксеніі Лебедзевай — замест яго ў фільме паказвалі кавалкі следчага эксперыменту.
У выніку Алесі Буневіч прысудзілі тры з паловай гады калоніі. Але на апеляцыі прысуд зменшылі на год.
Буневіч вызвалілася па сканчэнні тэрміна 3 мая 2024 года.
Выйшла на свабоду палітзняволеная Алеся Буневіч
«Да нас у лес на допыт потым прывезлі Алесю Буневіч». З Беларусі ўдалося вырвацца чалавеку, які стаў сведкам аперацыі КДБ з удзелам рэйкавых партызан
Тры з паловай гады калоніі далі жанчыне, якая дапамагала падпольшчыкам пераходзіць мяжу
Прапаганда хацела паказаць «пакаяльнае» відэа з «рэйкавымі партызанамі». Але нешта пайшло не так
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт1
Каментары