На днях у Мінску адкрылі пераход з лесвіцамі да ГЦ «Сталіца». Некалькі месяцаў бок выхаду да метро і прыпынку быў перакрыты на дэмантаж, а да яго гадамі прастойваў непрацуючы эскалатар. Па даручэнні кіраўніка горада Андрэя Шорца эскалатар замянілі звычайнымі прыступкамі, піша Tut.by.
Эскалатар ў пераходзе ля ГЦ «Сталіца» быў усталяваны ў 2003 годзе. У сакавіку 2013 ён зламаўся, эскалатар паправілі, праз два гады лесвіцу зноў спынілі і патлумачылі гэта вялікім зносам і немагчымасцю выкарыстоўваць яго далей. Наступныя некалькі гадоў мінчане былі вымушаныя падымацца па высокіх крутых прыступках, а не ехаць, як гэта было запланавана першапачаткова.
У жніўні 2016 года кіраўнік горада Андрэй Шорац падчас жывой лініі з гараджанамі сказаў, што мяняць эскалатар на новы не будуць. Бо на той момант гэта каштавала б 8 мільярдаў недэнамінаваных рублёў (гэта значыць, 800 тысяч пасля дэнамінацыі), таму паабяцаў, што неўзабаве яго заменяць звычайнымі прыступкамі.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)