У стыкавых матчах грымнула галоўная сенсацыя. Італія не трапіла на чэмпіянат свету па футболе. Едзе Швецыя, што выйграла дома ў італьянцаў 1:0, а сёння ноччу каманды згулялі ўнічыю — 0:0.
Мінулыя два чэмпіянаты «сіня-жоўтыя» не маглі прабіцца на ЧС, тры гады таму ў стыках яны прайгралі Партугаліі з Крышціяну Раналду. А вось зборная Італіі — чэмпіён свету 2006 — не гуляла на мундыялях усяго двойчы: у 1930-м, бо вырашыла не ехаць параходам праз акіян, і ў 1958 г. — чэмпіянат тады праводзіўся ў Швецыі.
Нагадаем, што Швецыя, што едзе на чэмпіянат свету 12-ы раз, была супернікам Беларусі ў адборачным турніры і двойчы разграміла нашу каманду: 4:0 і 4:0.
Зборная Швецыі стала 29-м удзельнікам ЧС, 30-ы вызначыцца сёння ў матчы Данія — Ірландыя (першая гульня — 0:0).
У сераду і чацвер у стыках згуляюць: Аўстралія — Гандурас, Перу — Новая Зеландыя.
Лёсаванне групавой стадыі ЧС пройдзе 1 снежня. Сам чэмпіянат — з 14 чэрвеня па 15 ліпеня 2018 года.
***
На чэмпіянат свету па футболе выйшлі 29 зборных:
Расія (гаспадыня), Англія, Бельгія, Германія, Ісландыя, Іспанія, Партугалія, Польшча, Сербія, Францыя, Харватыя, Швейцарыя, Швецыя; Коста-Рыка, Мексіка, Панама; Аргенціна, Бразілія, Калумбія, Уругвай; Егіпет, Марока, Нігерыя, Сенегал, Туніс; Іран, Паўднёвая Карэя, Саўдаўская Аравія, Японія.
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары