Давераная асоба кандыдата ў дэпутаты Алеся Міхалевіча Андрэй Клікуноў выявіў шэраг сур’ёзных парушэньняў выбарчага заканадаўства на ўчастку № 632.
Давераная асоба кандыдата ў дэпутаты Алеся Міхалевіча Андрэй Клікуноў выявіў шэраг сур’ёзных парушэньняў выбарчага заканадаўства на ўчастку № 632.
Сябра БАЖу Андрэй Клікуноў на апошніх выбарах у парлямэнт быў даверанай асобай кандыдата ў дэпутаты Алеся Міхалевіча, што балятаваўся па Ўручанскай выбарчай акрузе № 109. У нядзелю па абедзе Андрэй прыйшоў прагаласаваць на ўчастак № 632. Ужо ў кабіне для галасаваньня заўважыў, што бюлетэнь не падпісаны ніводным з чальцоў участковай выбарчай камісіі. А гэта ёсьць парушэньнем заканадаўства. Чалец камісіі, які выдаваў А. Клікунову бюлетэнь па ягоным адрасе, заявіў, што гэта «выпадковасьць». Аднак выдаць падпісаны дакумэнт, як адзначаецца ў скарзе Клікунова, ня змог — у яго такіх папросту не апынулася. Падпісаны бюлетэнь адшукалі толькі ў суседніх чальцоў камісіі. Намесьніца старшыні камісіі таксама назвала інцыдэнт «выпадковасьцю» і правяла давераную асобу Міхалевіча паўз чальцоў камісіі. Якія прадэманстравалі, як сьцьвярджае Андрэй, нашмат танчэйшыя, чым былі дагэтуль стосы бюлетэняў, аформленых пры гэтым належным чынам.
Новыя «выпадковасьці» пачалі зьяўляцца ў часе падліку галасоў: старшыня камісіі зьвярнуўся да чальцоў камісіі з просьбай аддаць яму ўсе бюлетэні для галасаваньня, на якіх стаіць адзін подпіс чальцоў выбарчай камісіі (такія бюлетэні таксама несапраўдныя, як і непадпісаныя). Наяўнасьць такіх бюлетэняў услых пацьвердзілі некаторыя чальцы камісіі. Старшыня камісіі патлумачыў гэты факт наступным чынам: подпісы ставяцца на краі бюлетэня, і таму на некаторых ён проста «не заўважыў», што не паставіў свой подпіс.
Паводле выяўленых фактаў парушэньня выбарчага заканадаўства Андрэй Клікуноў накіраваў скаргу ў Цэнтарвыбаркам. Ён просіць ініцыяваць правядзеньне перападліку бюлетэняў на ўчастку № 632 з мэтай выяўленьня непадпісаных бюлетэняў і бюлетэняў з адным подпісам, даць прававую ацэнку дзеяньням чальцоў выбарчай камісіі на дадзеным участку ды ініцыяваць прыцягненьне да адказнасьці асобаў, вінаватых у парушэньні заканадаўства.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары