У выніку атручэньня чадным газам у Менску загінула сям’я падпалкоўніка міліцыі.
Як паведаміла БелаПАН прэс‑афіцэр Першамайскага РУУС сталіцы Наталля Аўласенка, днём 19 кастрычніка па месцы жыхарства, у доме па вуліцы Валгаградскай, без бачных прыкметаў гвалтоўнай смерці былі знойдзеныя трупы мужчыны, 1968 года нараджэння, яго жонкі, таксама 1968 года нараджэння, і іх сына, 1992 года нараджэння.
Устаноўлена, што смерць наступіла ў выніку няшчаснага выпадку — атручэння чадным газам.
У кватэры таксама быў знойдзены мёртвы сабака.
Праверку па дадзеным факце праводзіць пракуратура Першамайскага раёна.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары