У другім матчы запар на чэмпіянаце свету па футболе ў зборнай Расіі адзначаецца Арцём Дзюба. Амаль двухметровы (196 см) нападаючы пасля забітых мячоў «аддаваў чэсць» трэнеру і трыбунам. Хто ж такі гэты Дзюба?
Прозвішча Арцём атрымаў ад бацькі-ўкраінца. Пішацца прозвішча па-руску, дарэчы, праз «дз». (Дзюба па-ўкраінску азначае тое самае, што і па-беларуску.) Бацька родам з Палтаўскай вобласці. У іншага абаронцы зборнай Расіі, Сяргея Ігнашэвіча, бацька быў з нашага Салігорскага раёна, але ўсіх іх цягнула ў Маскву.
Бацька Арцёма працаваў міліцыянерам, маці — магазіншчыцай. Сям’я доўга жыла ў камуналцы, пакуль не атрымала ўласную кватэру.
Дзюба займаўся футболам у школе маскоўскага «Спартака». Правёў за каманду некалькі сезонаў, але не прыжыўся. «Чырвона-белыя» аддалі яго ў «Томь». Менавіта там, у «сібірскіх Афінах», як называў Томск Антон Чэхаў, і загартаваўся характар Дзюбы. Там да яго прыйшла слава бамбардзіра.
Арцём потым яшчэ вяртаўся ў «Спартак», але няўдала, каманда зноў аддала яго на перыферыю — у «Растоў». І там у Дзюбы ўсё ішло выдатна. У 2015 годзе Арцём заключае кантракт з піцерскім «Зенітам». Усе добрыя расійскія гульцы рана ці позна апынаюцца там. Столькі грошай, як у піцерцаў, няма ні ў каго больш.
За сваю кар’еру Дзюба забіў больш за сто галоў. Некалі ён уразіў усіх сваімі словамі: «Месі і Крышціяну Раналду б не забілі ў чэмпіянаце Расіі больш за 20 галоў». За гэтыя словы Дзюбу абсмейвалі.
У вялікім расійскім клубе ў Дзюбы зноў не атрымалася. І «Зеніт» аддаў форварда ў тульскі «Арсенал». Гуляць супраць «Зеніта» ён не меў права. У дамове была прадугледжана такая магчымасць, праўда, пры ўмове, што гулец заплаціць штраф у памеры 120 тысяч еўра. У апошні момант Дзюба перадумаў.
Зрэшты, грошай на гульню форварду сабралі. Палову даў клуб, а палову вобласць. Дзюба адгуляў адзін з найлепшых матчаў за «Арсенал». Забіў гол, аддаў перадачу. Тым самым ён фактычна цалкам пазбавіў «Зеніт» шанцаў на Лігу чэмпіёнаў. Піцерцы туды так і не трапілі.
А фанаты «Зеніта» ў той гульні разгарнулі плакат: «Дзюба, хай будзе сіла духа, як у Віні-Пуха». Гэта цытата з песні «Ленінграда» «Шлюха». Пасля чэмпіянату свету Дзюбе вяртацца ў Санкт-Пецярбург.
Дзюба жанаты. Але расійская жоўтая прэса шмат апісвала ягоныя рамантычныя адносіны з тэлевядучай Марыяй Арзул. Вось такая галоўная зорка расійскай каманды на гэтым мундыялі.
Калі сочыце за чэмпіянатам свету па футболе, раім вам зрабіць стаўку ў Букмекерскай канторы Марафон!
Цяпер чытаюць
У Беларусі больш не будуць прымаць платнікаў у медуніверсітэты. Што пра гэта кажуць дактары?1
Каментары