Спаборніцтвы па веславанні на Алімпіядзе-2032 хочуць правесці на рацэ, дзе жывуць кракадзілы
Аўстралійскі горад Ракхэмптан у штаце Квінсленд абраны месцам правядзення алімпійскіх спаборніцтваў па веславанні на рацэ Фіцрой, у якой жывуць кракадзілы, паведамляе Федэрацыя веславання Аўстраліі.
Але гэта яшчэ не азначае, што рашэнне прынята. У заяве адзначаецца, што аўстралійская зборная ўжо выкарыстоўвала гэты рэгіён для трэніровак перад Токіа-2021 і мае намер рыхтавацца тут да Гульняў у Лос-Анджэлесе (2028) і Брысбене (2032).
Аднак рака Фіцрой пакуль не прайшла тэхнічную экспертызу, неабходную для правядзення спаборніцтваў нацыянальнага або міжнароднага ўзроўню.
«Справядлівасць і бяспека — галоўныя крытэрыі для трасы такога ўзроўню. Наяўнасць плыні, якая можа ўплываць на вынікі або даваць перавагу пэўным дарожкам, недапушчальная. Таксама важнымі фактарамі з’яўляюцца якасць вады і барацьба з водарасцямі», — адзначае арганізацыя.
Кіраўніц Федэрацыі веславання Аўстраліі Сара Кук (удзельніца Алімпійскіх гульняў) дадала: «Ракхэмптан — прыемнае месца, дзе нашы весляры заўсёды адчувалі сябе як дома дзякуючы цёпламу прыёму мясцовай супольнасці. Але любая траса для міжнародных стартаў павінна строга адпавядаць тэхнічным стандартам World Rowing. Гэты аналіз яшчэ не праводзіўся».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары