Хлопец знайшоў падпрацоўку, зразумеў, што звязаўся з ашуканцамі, і скраў у іх грошы. Цяпер яму пагражае рэальны тэрмін.
Малады хлопец знайшоў у інтэрнэце прапанову аб падпрацоўцы. Па ўмовах, ён павінен быў аформіць віртуальную карту на сваё імя і перадаць яе рэквізіты трэцяй асобе за 100 рублёў.
Хутка яму паступіла новая прапанова. Хлопцу зноў даручылі аформіць банкаўскую карту на сваё імя. Пры гэтым маладога чалавека папярэдзілі, што на гэтую карту будуць паступаць грошы, якія пасля трэба будзе перавесці на пэўны банкаўскі рахунак. У гэты момант ён стаў здагадвацца, што звязаўся са зламыснікамі. Але вырашыў пагадзіцца, каб развязаць свае фінансавыя праблемы, расказалі ў міліцыі.
На карту перавялі больш за 6,2 тысячы рублёў. «Працадаўца» расказаў, куды трэба адправіць гэтыя грошы. Але малады чалавек перавёў грошы на асабісты рахунак і расплаціўся імі па даўгах.
На гродзенца завялі крымінальную справу, яму пагражае да трох гадоў пазбаўлення волі.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары