У Лунінцы шалёная ліса напала на хатніх жывёл, паведаміў БЕЛТА кіраўнік Лунінецкай раённай ветэрынарнай станцыі Іван Ванюк.
Інцыдэнт адбыўся днём 23 верасня. Драпежніца блукала па вуліцах Францыска Скарыны, Дружнай, Багданава, пакусала некалькі хатніх сабак, катоў, загрызла курэй. Мясцовыя жыхары паведамілі пра гэта ў МНС, ветслужбу. Спецыялісты аператыўна прыбылі на месца, усыпілі лісу і жывёл, што з ёй кантактавалі (са згоды гаспадароў).
Быў узяты біялагічны матэрыял, які адправілі на даследаванне ў Брэсцкую абласную ветэрынарную лабараторыю. Аналіз паказаў, што ліса была хворая на шаленства. У адпаведнасці з санітарнымі і ветэрынарнымі правіламі ў межах вуліц, дзе хадзіла дзікая жывёла, на месяц будзе ўведзены каранцін.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары