Механізаваныя падраздзяленні беларускай арміі папоўніліся танкамі Т-72Б3. Урачыстая цырымонія ўручэння прайшла сёння ў 120-й механізаванай брыгадзе, паведамляе Ваен-ТБ.
У рамках ваенна-тэхнічнага супрацоўніцтва машыны прайшлі глыбокую мадэрнізацыю на расійскім прадпрыемстве «Уралвагонзавод». Узор атрымаў абноўленую сілавую ўстаноўку, гармату павышанай магутнасці і дакладнасці, а таксама сучасны прыцэльны комплекс. Акрамя таго, Т-72Б3 абсталяваны сістэмай дынамічнай абароны «Кантакт», якая ў два разы падвысіла ўстойлівасць корпуса супраць кумулятыўных снарадаў і ў паўтара - ад падкаліберных.
Танкі прыняў на ўзбраенне адзін з батальёнаў 120-й механізаванай брыгады. Усяго ў падраздзяленне паступіла дзесяць танкаў.
0
0
0
0
0
0
