metropoliten.by
Пра здарэнні распавёў старшы памочнік Мінскага транспартнага пракурора Дзмітрый Доўгаль. 9 снежня а 14:30 на станцыі метро «Спартыўная» пасажыр скокнуў на чыгуначныя рэйкі, піша mlyn.by.
Работнікі метрапалітэна экстрана адключылі электраэнергію, вынеслі яго на насілках і выклікалі хуткую. Мужчына быў дастаўлены ў 9-ю гарадскую клінічную бальніцу, яго адпусцілі, але менш чым праз дзве гадзіны ён зноў кінуўся пад цягнік. На гэты раз на станцыі «Пятроўшчына».
— Яго зноў даставілі ў «дзявятку», а вечарам зноў адпусцілі. У 19:25 ён даехаў да станцыі метро «Каменная горка» і трэці раз скокнуў пад цягнік. На гэты раз мужчыну павезлі ў «Навінкі»
Яшчэ адно надзвычайнае здарэнне адбылося ў гэты ж дзень на станцыі «Трактарны завод». У 22.58 мужчына паспрабаваў скокнуць на рэйкі перад цягніком, але яго выратавалі пасажыры, схапіўшы за вопратку і адцягнуўшы ад цягніка. Ён быў дастаўлены ў бальніцу хуткай медыцынскай дапамогі.
