У хуткім часе імпланты не спатрэбяцца. У чым сутнасць?
Да гэтага часу лічылася, што ў дарослых людзей пасля страты зубоў новыя могуць быць толькі штучнымі. Але японскія вучоныя сцвярджаюць, што знайшлі прэпарат, які дазволіць зубам вырасці. Ужо ў верасні ён будзе ўведзены ўнутрывенна першым добраахвотнікам.
Да свайго адкрыцця, як піша выданне New Atlas, вучоныя з Кіёцкага ўніверсітэта ішлі шмат гадоў. Першапачаткова эксперыменты праводзіліся на мышах і паказалі выдатныя вынікі: прэпарат стымуляваў рост новых зубоў. Пасля гэтага былі праведзеныя эксперыменты на тхарах, у якіх структура зубоў падобная да чалавека.
Як расказваюць вучоныя, іх прэпарат уводзіцца ўнутрывенна і дэактывізуе бялок USAG-1, які падаўляе рост зубоў. Блакіроўка ўзаемадзеяння USAG-1 з іншымі бялкамі стымулюе перадачу сігналаў касцявога морфагенетычнага бялка (ВМР), што запускае стварэнне новай касцяной тканкі і рост зубоў.
У верасні гэтага года вучоныя збіраюцца выпрабаваць прэпарат на людзях. Ва Універсітэцкай бальніцы Кіёта ён будзе ўведзены 30 мужчынам ва ўзросце ад 30 да 65 гадоў, у якіх адсутнічае хаця б адзін каранёвы зуб. Эксперымент будзе працягвацца 11 месяцаў.
На другім этапе вучоныя збіраюцца выпрабаваць прэпарат на пацыентах ва ўзросце ад 2 да 7 гадоў, хворых на прыроджаную недастатковасць зубоў, у якіх адсутнічаюць як мінімум чатыры зубы. Людзей з такім генетычным захворваннем, па ацэнках, каля 1 % у свеце.
Пасля гэтага эксперыментам павінны быць ахопленыя людзі, у якіх адсутнічае ад аднаго да пяці зубоў з-за ўздзеяння знешніх фактараў.
Аўтары тэхналогіі разлічваюць, што прэпарат будзе прымяняцца не толькі пры прыроджаных захворваннях, але і ва ўсіх, хто страціў зубы ў любым узросце. У выпадку поспеху гэтая тэрапія будзе даступная пацыентам, у якіх няма зубоў, на працягу шасці гадоў.
Каментары
то бок на дзецях?
https://www.youtube.com/watch?v=_ELT5MioweM - У индийского мальчика удалили более 500 зубов