Улада ЗША разлічвае атрымаць больш інфармацыі па справе былога амерыканскага марскога пехацінца, затрыманага ФСБ Расіі па падазрэнні ў шпіянажы, паведаміў дзяржсакратар ЗША Майк Пампеа, піша bbc.com.
«Мы дакладна выказалі Расіі нашу надзею на тое, каб даведацца больш пра абвінавачванні, зразумець, у чым яго вінавацяць. І калі затрыманне не абгрунтаванае, мы будзем патрабаваць яго неадкладнага вяртання», - сказаў Пампеа журналістам.
Пасол ЗША ў Расіі Джон Гантсман наведаў Пола Уілана, якога трымаюць у следчым ізалятары Ляфортава ў Маскве.
31 снежня ФСБ паведаміла, што затрымала грамадзяніна ЗША Пола Уілана 28 снежня «пры правядзенні шпіёнскай акцыі».
На наступны дзень яго брат Дэвід Уілан распавёў BBC, што Пол прыехаў у Расію на вяселле свайго сябра.
Пол Уілан прыляцеў у Расію 22 снежня. Апошні раз яго сям'я кантактавала з ім 28 снежня, напярэдадні вяселля, кажа Дэвід. Пра яго затрыманні сваякі даведаліся са СМІ.
У апошні час Пол працаваў у службе бяспекі кампаніі BorgWarner, што вырабляе дэталі для аўтамабіляў.
Паводле інфармацыі газеты Washington Post, Пол Уілан пайшоў на службу ў марскую пяхоту ў 1994 годзе, удзельнічаў у кампаніі ў Іраку, але ў 2008 годзе яго звольнілі з узброеных сіл пасля таго, як асудзілі за крадзеж.
Шпіёнскія скандалы
У сярэдзіне снежня ў ЗША адбыўся суд над арыштаванай у ліпені 2018 расіянкай Марыяй Буцінай. Яе вінавацілі ў злачыннай змове з мэтай працы ў ЗША ў якасці замежнага агента без належнай рэгістрацыі ў Мінюсце.
Расіянка прызнала віну і пайшла на здзелку са следствам.
У сакавіку Вялікабрытанія і шэраг яе саюзнікаў выслалі больш за 100 расійскіх дыпламатаў і іх сем'і ў адказ на атручванне ў англійскім горадзе Солсберы былога агента ГРУ Сяргея Скрыпаля і яго дачкі.
Расія ўсе абвінавачванні адпрэчвала і выслала ў адказ дзясяткі заходніх дыпламатаў.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары