Кіраўнік Чачні Рамзан Кадыраў пракаментаваў рашэнне Вярхоўнага суда рэспублікі аб адмене спісання даўгоў насельніцтва за газ. У размове з журналістамі чачэнскі лідар удакладніў, што, адмяніўшы спісанне даўгоў, суд вынес рашэнне, якое дапаможа навесці парадак у гэтым пытанні. Гаворка ідзе пра суму каля $140 мільёнаў.
«Надышоў час сур'ёзна разабрацца і з даўгамі за газ, якія прыпісваюцца Чачні. У першую чаргу варта высветліць, якім чынам і па якіх параметрах вызначалася гэтая сума запазычанасці», — напісаў Кадыраў у сваім телеграм-канале.
Ён нагадаў, што ў час ваенных дзеянняў у Чачні газаправодныя сеткі былі практычна цалкам разбураны, і «цалкам адсутнічала магчымасць кантраляваць спажыванне газу».
«Мы ведаем, што наша краіна даравала многім дзяржавам старыя даўгі. І гэты жэст добрай волі ўсімі прымаецца станоўча. Чачня і яе народ спадзяюцца, што ў сілу асаблівых абставін, якія склаліся, дзяржава і кампанія пойдуць ім насустрач. І такое рашэнне будзе справядлівым», — заявіў Кадыраў.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары