Пасольства Беларусі ў Літве адрэагавала на заўвагу пра сур'ёзны твар віцэ-прэм'ера Петрышэнкі
Прэс-сакратар беларускага пасольства ў Літве Павел Слюнькін адрэагаваў на каментар галоўнай рэдактаркі БелаПАН Ірыны Леўшынай, якая раскрытыкавала афіцыйную беларускую дэлегацыю на пахаванні Каліноўскага ў Вільні словамі «рабяты, ўсё добра, вы не на вайне, зрабіце што-небудзь з вашымі тварамі» і параўнала яе з дэлегацыямі Літвы і Польшчы.
Чытайце таксама: «Петрышэнка, вы не на вайне. Зрабіце нешта з тварам»
«Моц імгнення, якую так і не змагла адчуць Ірына Леўшына і цытуючая яе «Наша Ніва»», — піша спадар Слюнькін і паказвае іншую фатаграфію з удзелам беларускай дэлегацыі, з іншага ракурсу.
«Для некаторых прыніжэнне іншых і пошук негатыву — гэта прафесія і нават лад жыцця. Але ж гэта зусім не нагода, каб нам усім не ўсміхацца. Тым больш калі ёсць такая сапраўды гістарычная і натхняльная нагода!
Адмыслова шукаць і выкладаць фотаздымкі, дзе няўдала атрымаліся нашыя сябры і калегі, не буду. Бо нас гэта шчаслівейшымі не зробіць, іх можа пакрыўдзіць, а некаторыя зласліўцы абавязкова падумаюць, што ўсе людзі такія ж, як яны.
Дзякуй Богу, гэта не так!
І шчыры сардэчны дзякуй Літве, Беларусі і Польшчы за перажытыя яскравыя імгненні!» — піша супрацоўнік беларускага пасольства ў Літве.
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары