president.gov.by
Сёння ў кіраўніка дзяржавы прайшла нарада з членамі ўрада па эканамічных выніках 2019 года.
«Пул першага» коратка рэзюмаваў асноўныя тэзісы:
«Хваліцца асабліва няма чым»
Так, рост даходаў ёсць, на траціну нарасцілі ЗВР, знізілі знешні доўг, але: «Прырост на 1,2%, мякка кажучы, вельмі сціплы вынік. Вынікі работы эканамічнага штаба (і рэгіёны ў тым ліку) па гэтых напрамках нельга аднесці ў скарбонку заслуг».
«Рэагуем на любы шоргат»
Гэта пра тое, што занадта шмат увагі на цэнах на нафту, курс валюты, абмежаванні і г. д.
«Так быць не павінна. Мы ўсё гэта павінны бачыць і ўлічваць, але гэта не павінна быць арыенцірам, галоўнымі крытэрамі нашых учынкаў. Мы невялікая краіна з адкрытай эканомікай. Менавіта таму павінны ўмець гнутка адаптавацца да аб'ектыўных умоў і ўмець працаваць з усімі».
Набіла аскому тэма экспарту
«Экспарт у 2019 годзе правалілі, прыток імпарту павялічваецца, а ВУП вырас толькі за кошт унутранага попыту. Экспарт — прыярытэт пяцігодкі, а мы не толькі не асвойваем новыя рынкі, але і губляем традыцыйныя».
Што яшчэ гучала:
— эфектыўнасць працы дзяржсектара вышэйшай не стала;
— раёны павінны развівацца больш актыўна, каб не было раздзяляльных ліній па якасці жыцця.
