«Ніх*я сабе нанараспрацоўка». Вешалка для штаноў ад слуцкага прадпрыемства ўзарвала тыкток
Незвычайныя вешалкі для штаноў выпусціла слуцкае прадпрыемства «Ямпаль-Слуцк». Разынка ў тым, што яны дадалі да звычайнай вешалкі канцылярскія сціскачы. Відэа сабрала больш за 60 тысяч праглядаў.
«Ніх*я сабе нанараспрацоўка слуцкага завода! Вешалка для штаноў з канцылярскімі прышчэпкамі. Ну што, бяром нанатэхналогію?» — гаворыць аўтар відэа, які знайшоў незвычайны тавар у краме ОМА.
Каментатары сустрэлі айчынны выраб з гумарам.
«Не, ну а чо, там напэўна цэлае канструктарскае бюро год вырашала, як гэта замуціць».
«Я заўсёды ведаў, што нашы інжынера сядзяць на каналах з лайфхакамі, але я не думаў што ўсё настолькі сурʼёзна».
«Калектыўны захад напружыўся».
«А што так можна было?»
«Наступны выраб будзе з пластыкавай бутэлькі?»
Многія каментары падтрымалі вытворцу і адзначылі, што ідэя добрая, ёю можна скарыстацца і самім.
Цана такой вешалкі немалая — амаль 10 рублёў, але аўтар відэа бачыў яе на зніжцы ў 51%.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары