Мінабароны: Трэніроўку роты ганаровай варты адмянілі не ў сувязі з адменай парада
27 красавіка ў Мінску планавалася трэніроўка зводнай роты ганаровай варты, павінны былі абмежаваць рух транспарту на праспекце Машэрава. Зранку 28 красавіка карыстальнікі tut.by паведамілі, што рэпетыцыі не было.
Першапачаткова 27 красавіка быў рэзервовым днём для трэніроўкі, такія дні не заўсёды выкарыстоўваюцца, патлумачыла афіцыйны прадстаўнік Мінабароны Беларусі Наталля Гаўрусік.
— Учорашні дзень быў рэзервовы. Падрыхтоўка да парада — жывы працэс. Часам ёсць неабходнасць у рэзервовых трэніроўках, часам не. Калі трэніроўкі планаваліся, яшчэ не быў абвешчаны графік выхадных у краіне. У сувязі з выхаднымі трэніроўку гэтую адмянілі. Наступная трэніроўка запланаваная на чацвер, 30 красавіка, — распавяла прадстаўнік ведамства.
Нагадаем, у Мінску 9 мая пройдзе парад на Дзень Перамогі. Раней прэзідэнт заяўляў, што, нягледзячы на пандэмію, святочныя мерапрыемствы ў краіне адмяняць не будуць.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары