Гурбангулы Бердымухамедаў адкрыў у Ашхабадзе, сталіцы краіны, залаты помнік алабаю. Пра гэта паведаміла дзяржаўнае інфармагенцтва «Туркменістан сёння».
Помнік алабаю (туркменскі алабай) уваходзіць у склад комплексу новабудоўляў. Яго вышыня — 15 метраў. 9 метраў займае пастамент, яшчэ 6 — сам помнік. Вакол пастамента знаходзіцца відэаэкран, на якім паказваюць ролікі з удзелам сабакі гэтай пароды.
«Ініцыятыва паставіць помнік сабаку, праявіўшы, такім чынам, павагу бяспрыкладнай адвазе і вялікаму добраму сэрцу гэтых выдатных жывёл, падкрэсліўшы іх ролю ў гістарычным лёсе нацыі і тое месца, якое яны займаюць у жыцці народа, належыць кіраўніку Туркменістана. Асаблівая рыса характару алабая — годнасць, упэўненасць у сабе, што вельмі выразна перададзена ў новым мануменце», піша выданне.
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары