Акадэмік Бялецкі, якога нядаўна вызвалілі, вярнуўся ў медыцыну. Вядзе прыём у звычайнай паліклініцы
У чэрвені быў памілаваны і вызвалены адзін з найлепшых беларускіх дактароў Аляксандр Бялецкі. Ён быў асуджаны за карупцыю. Як стала вядома Tut.by, доктар вярнуўся ў медыцыну. Цяпер ён вядзе прыём у звычайнай паліклініцы Мінскага раёна, якая знаходзіцца ў Бараўлянах. Запісацца на платны прыём да знакамітага лекара можа любы ахвотны.
У лютым 2019 года акадэміка прызналі вінаватым і прысудзілі да 7,5 года пазбаўлення волі. Аляксандр Бялецкі ўзначальваў РНПЦ траўматалогіі і артапедыі. На судах акадэмік не адмаўляў, што ў якасці падарунка атрымаў 4 тысячы еўра і 3 тысячы даляраў. Пры гэтым ён не ўспрымаў гэтыя грошы як хабар. А адну з сум выдаткаваў на паездку на кангрэс у Барселону, дзе ў склад беларускай дэлегацыі ўваходзіла 12 чалавек.
Бялецкі казаў, што раскайваецца ў зробленым. Буйныя ж сумы, якія былі знойдзены ў яго дома і на ўкладах, па яго словах, яму давалі заможныя сябры, і гэта не было звязана з яго прафесійнай дзейнасцю. Адзін з такіх сяброў — бізнэсмен Аляксандр Шакуцін. Гэтыя сумы не былі прызнаныя злачыннымі.
Пакаранне вядомы доктар адбываў у калоніі «Віцьба», куды часта адпраўляюць асуджаных за карупцыю чыноўнікаў, суддзяў, сілавікоў і бізнэсоўцаў.
Разам з Бялецкім у чэрвені быў памілаваны і вызвалены былы намеснік міністра аховы здароўя Ігар Ласіцкі, ён праходзіў па гучнай «справе дактароў» аб карупцыі.
Аляксандр Бялецкі — унікальны ў сваёй галіне доктар. У яго больш за 450 друкаваных работ, у тым ліку 16 манаграфій, з іх восем выдадзеныя за мяжой. За сваё прафесійнае жыццё ён падрыхтаваў чатырох дактароў і шэсць кандыдатаў медыцынскіх навук.
Пакуль Аляксандр Бялецкі знаходзіўся ў СІЗА, яго ўзнагародзілі медалём Акадэміі навук. Ён вырас у сям'і лекараў і ўсё жыццё быў дзіцячым артапедам. Правёў 4 тысячы складаных высокатэхналагічных аперацый. Акрамя гэтага, у яго 92 патэнты ў лячэнні дзяцей з паталогіямі тазасцегнавых суставаў, у 2010-м годзе ён атрымаў званне «Заслужаны дзеяч навукі», чытаў лекцыі ў многіх краінах свету, выступаў на Амерыканскай асацыяцыі аперуючых хірургаў. Менавіта ён распрацаваў новыя тэхналогіі хірургічнага лячэння артапедычнай паталогіі тазасцегнавага сустава ў дзяцей і падлеткаў. За гэта яго ўзнагародзілі Дзяржпрэміяй у галіне навукі і тэхнікі. Кіраваў працай па стварэнні беларускіх імплантаў і металаканструкцый у траўматалогіі і артапедыі.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары