Маўляў, прычына ў тым, што партфоліа некаторых беларускіх артыстаў не паказваюць кастынг-дырэктарам з Масквы.
Мастацкі кіраўнік Купалаўскага тэатра Вольга Няфёдава распавяла ў інтэрв'ю sb.by, што паўтара года не здымаецца ў кіно. На здымкі ўвесь гэты час не запрашалі і яе калег па тэатры.
На пытанне, ці знік творчы негатыў у дачыненні да Купалаўскага тэатра, і ці з'явілася творчая свабода ў яго супрацоўнікаў, Вольга Няфёдава адказала адмоўна:
— Не, абсалютна шчыра кажу, што блакаду Купалаўскага трымаюць, прычым нашы ж калегі з тэатральнай браціі, якія працуюць у дзяржаўных установах, такіх як ТЮГ, напрыклад, ці тэатр імя Горкага. Некаторыя з іх застаюцца таемнымі прыхільнікамі дзяржаўнага перавароту і працягваюць цішком ўстаўляць нам палкі ў колы.
Яна таксама лічыць учынкі людзей з дзяржструктур «якія гадзяць сваёй дзяржаве», брыдкімі і гідкімі. Па словах Вольгі Няфёдавай, яе і яе калегу Тамару Міронаву паўтара года не запрашаюць здымацца ў кіно.
— Бо там там такія ж ціхушныя людзі, якія змагаюцца з «рэжымам», трымаюцца за хлапушку і нас не пускаюць. А маскоўскія рэжысёры як прыязджалі, так і прыязджаюць здымаць у Мінск, але нашы кастынг-дырэктары нас ім не паказваюць, вось і ўсё. А тыя, хто крычаў: «Мы не можам працаваць, калі забіваюць!», працягвалі тут здымацца. Як жа так? У вас жа раты яшчэ не закрыліся пасля крыку на барыкадах, а вы ўжо ў кіно здымаліся ўпотай, — патлумачыла сітуацыю Вольга Няфёдава. Яна лічыць, што гэта не двайныя, а трайныя стандарты.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім18
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары