Аварыя адбылася днём 19 снежня на вуліцы Кірылы Тураўскага ў Мінску.
Як паведамляе ДАІ, 39-гадовы кіроўца «Форда» з-за невыканання бяспечнай дыстанцыі ўрэзаўся ў «Аўдзі», які спыніўся на чырвонае святло. Ад удару апошні адкінула на «Хендэ», а «Форд», працягнуўшы рух, пратараніў яшчэ два аўтамабілі: «Фальксваген» і «Шэўрале».
У выніку ДТЗ нязначныя траўмы атрымаў пасажыр аўтамабіля «Форд», 10-гадовы хлопчык, які знаходзіўся ў дзіцячым крэсле і быў прышпілены, а таксама 51-гадовая кіроўца «Аўдзі». Іх даставілі ў бальніцу для агляду.
Па факце здарэння супрацоўнікі ДАІ праводзяць дадатковую праверку.
Цяпер чытаюць
У Беларусі множацца пляцоўкі для танцаў на свежым паветры — паглядзіце, як адпальваюць разам моладзь і пенсіянеры ў Серабранцы7
Каментары