Нідэрланды — феномен чэмпіянатаў свету. 16 гадоў без паражэнняў — і ніводнага фіналу

Такі вынік цяжка назваць сенсацыяй: мараканцы займаюць вышэйшае месца ў рэйтынгу ФІФА і амаль не саступалі нідэрландцам ні паводле ацэнак Opta, ні паводле каэфіцыентаў букмекераў. Але ўсё роўна гэта выглядае несправядліва ў дачыненні да каманды Роналда Кумана, бо яна зноў пакінула чэмпіянат свету, не прайграўшы ніводнага матча ў гульнявы час, піша sports.ru.

Пачынаючы з фіналу ЧС-2010, Нідэрланды ні разу не саступілі ні ў асноўны, ні ў дадатковы час. Гэтая серыя ўжо налічвае 16 матчаў — абсалютны рэкорд турніру.

Папярэдняе дасягненне належала Бразіліі Пеле — 13 матчаў без паражэнняў у 1958—1966 гадах. Парадокс у тым, што бразільцы за гэты перыяд двойчы сталі чэмпіёнамі свету, а Нідэрланды з 2010 года нават не дайшлі да фіналу.

Найлепшы вынік — бронзавыя медалі ў 2014 годзе. Чэмпіянат свету 2018 года яны ўвогуле прапусцілі.

Калі ж улічваць толькі асноўны час, серыя яшчэ даўжэйшая. Апошні раз Нідэрланды прайгралі на чэмпіянаце свету 20 гадоў таму — 0:1 Партугаліі ў легендарным матчы, які ўвайшоў у гісторыю дзякуючы 16 жоўтым і чатыром чырвоным карткам.

Адсюль вынікае яшчэ адзін несуцяшальны рэкорд. Нідэрланды — першая зборная ў гісторыі, якая чатыры разы запар выбыла з чэмпіянату свету, не прайграўшы ніводнага матча.

Акрамя таго, гэта адзіная каманда, якая мае серыю з 23 матчаў без паражэнняў на чэмпіянатах свету і пры гэтым не заваявала ніводнага тытула.

Пасляматчавыя пенальці — асобная гісторыя. З пяці серый на турніры нідэрландцы прайгралі чатыры. Адзіная перамога была ў чвэрцьфінале ЧС-2014 супраць Коста-Рыкі. Усё астатняе — расчараванне:

• 1998 — паражэнне ад Бразіліі ў паўфінале (1:1, 2:4 па пенальці);
• 2014 — паражэнне ад Аргенціны ў паўфінале (0:0, 2:4 па пенальці);
• 2022 — паражэнне ад Аргенціны ў чвэрцьфінале (2:2, 3:4 па пенальці);
• 2026 — паражэнне ад Марока ў 1/16 фіналу (1:1, 2:3 па пенальці).

Па колькасці паражэнняў у серыях пенальці Нідэрланды дагналі Іспанію — у абедзвюх зборных цяпер па чатыры такія няўдачы. У Францыі, Італіі і Англіі — па тры.

На чэмпіянат свету ў Паўночнай Амерыцы Нідэрланды ехалі восьмымі фаварытамі на золата і другімі сярод зборных, якія яшчэ ніколі не выйгравалі мундыяль. Вышэй ацэньваліся толькі шанцы Партугаліі.

Вынік:

• — Першае месца ў групе — 53%
• — Выхад у плэй-оф — 88%
• — Выхад у 1/8 фіналу — 55%
• — Выхад у 1/4 фіналу — 35%
• — Чэмпіёнскі тытул — 5%

Прагнозы спраўджваліся роўна да таго моманту, пакуль не пачалося самае галоўнае. Магчыма, на наступным чэмпіянаце свету Нідэрланды нарэшце прайграюць матч — і стануць чэмпіёнамі?

• 2
• 1
• 2
• 1
• 0
• 2
• 0
• 0