Прадстаўніца МЗС Расіі заявіла пра супярэчнасці ў словах Харыс і Ціханоўскай
Афіцыйная прадстаўніца МЗС РФ Марыя Захарава ўбачыла супярэчнасці ў заявах, па яе словах, «прыхільнікаў заходніх каштоўнасцяў» — віцэ-прэзідэнткі ЗША Камалы Харыс і экс-кандыдаткі ў прэзідэнты Беларусі Святланы Ціханоўскай, піша РІАН.
Захарава звярнула ўвагу, што віцэ-прэзідэнтка ЗША Камала Харыс паставіла штурм Капітолія прыхільнікамі Трампа ў 2021 годзе ў адзін шэраг з атакай на Пэрл-Харбар у 1941-м і тэрактамі 11 верасня 2001 года. У той жа час офіс Ціханоўскай, рэагуючы на беспарадкі ў Казахстане, заявіў, што «вулічны пратэст — гэта адзін з нямногіх даступных пры аўтарытарных рэжымах спосабаў выказвання грамадзянскай волі».
«Да пытання аб заходніх каштоўнасцях, якія партнёры ўвесь час заклікаюць абараняць ад Расіі. Дзве заявы палітычных сілаў, якія, як яны запэўніваюць нас, падзяляюць адзіныя падыходы да дэмакратыі… Няма ніякіх заходніх каштоўнасцяў. А ўжо тым больш адзінства. Нават на словах», — даказвае Захарава.
Цяпер чытаюць
Пракуратура пра смерць Мелказёрава: журналіст меў хранічную хваробу17
Каментары