Палітвязня Рамана Смолькіна пераводзяць з «хіміі» ў калонію. Нібы спазніўся на лекцыю і спаў пад нарамі
47-гадоваму палітзняволенаму Раману Смолькіну, якога асудзілі да двух гадоў «хіміі» за абразу экс-намесніка начальніка салігорскай міліцыі, змянілі пакаранне на больш жорсткае. 14 лютага суд замяніў палітвязню абмежаванне волі з накіраваннем ва ўстанову адкрытага тыпу на пазбаўленне волі.
Раман Смолькін — жыхар Салігорска, асуджаны на два гады абмежавання волі з накіраваннем у папраўчую ўстанову адкрытага тыпу («хімія») за абразу былога намесніка начальніка салігорскай міліцыі Салаўя. 12 кастрычніка мінулага года яго накіравалі на «хімію» ў папраўчую ўстанову адкрытага тыпу №9 Віцебска, нагадвае «Новы час».
Паводле звестак праваабаронцаў, адміністрацыя ПУАТ запісала ў парушэнні рэжыму «хіміі» спазненне Рамана на лекцыю, сон пад нарамі, адмову ад прыборкі. 14 лютага па рапартах адбыўся суд, які пастанавіў накіраваць палітвязня ў калонію за парушэнне рэжыму папраўчай установы. За гэта Смолькіна асудзілі да дзевяці месяцаў калоніі. Палітвязень плануе абскардзіць рашэнне суда.
«Змрок згушчаецца на досвітку. Калі ласка, паглядзіце стары савецкі мультфільм пра доктара Айбаліта, там дзе кракадзіл Наша Сонца праглынуў. Запэўніваю вас, усё так і будзе, як Карней Чукоўскі прадсказаў», — напісаў Раман у адным з нядаўніх лістоў на волю.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала5
Каментары