«Яхту Пуціна» перагналі ў Севераморск. Магчыма, яе ратуюць ад украінскіх беспілотнікаў
82‑метровая супер’яхта «Грэйсфул» (якую пасля пачатку вайны пераназвалі ў «Касатку»), звязаная з прэзідэнтам Расіі Уладзімірам Пуціным, цяпер знаходзіцца ў порце Севераморска каля Мурманска. Пра гэта паведаміла дацкая радыёвяшчальная карпарацыя DR, спасылаючыся на спадарожнікавыя здымкі ад 5 ліпеня.
Разам з яхтай у порт прыбыў ваенны карабель суправаджэння «Ваявода», які ішоў з адключаным транспондэрам — яго ненадоўга ўключылі толькі за 70 кіламетраў ад Севераморска.
Напрыканцы чэрвеня гэты канвой заўважылі каля ўзбярэжжа Даніі. Тады экіпаж перадаў афіцыйнае паведамленне, што судна нібыта накіроўваецца ў Стамбул, аднак пасля гэтага караблі прайшлі ўздоўж Нарвегіі ў расійскія паўночныя воды.
Эксперты лічаць, што эвакуацыя яхты на Поўнач звязаная са спробай абараніць яе ад атак украінскіх беспілотнікаў, якія рэгулярна далятаюць да паўднёвых рэгіёнаў Расіі.
Да гэтага «Грэйсфул» неаднаразова бачылі ў Сочы падчас візітаў туды Пуціна. Кошт судна ацэньваецца ў 100—120 мільёнаў даляраў — яхта лічыцца другой па памеры яхтай расійскага прэзідэнта пасля 140‑метровай «Шахерэзады».
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары5
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары