Варта паглядзець. У Мінску адкрываецца выстава вядомага гродзенскага мастака Сяргея Грыневіча
У Рэспубліканскай мастацкай галерэі «Палац мастацтваў» 17 сакавіка адкрыецца персанальная выстава гродзенскага мастака-манументаліста Сяргея Грыневіча «Дэмаграфія». Грыневіч — адзін з найцікавейшых сучасных беларускіх творцаў.
У праекце «Дэмаграфія» будуць прадстаўленыя манументальныя жывапісныя палотны, якія ўражваюць новым поглядам на актуальныя праблемы эпохі і культурна-гістарычныя працэсы, гаворыцца ў прэс-рэлізе.
Сяргей Грыневіч актыўна ўдзельнічае ў рэспубліканскіх і міжнародных выставах. Правёў больш за 60 персанальных выстаў па ўсім свеце, удзельнічаў у шматлікіх калектыўных праектах. Работы аўтара прадстаўленыя ў галерэях ЗША, Кітая, Бразіліі, Польшчы, Іспаніі, Германіі, Расіі, Літвы, Францыі, Швейцарыі. Карціны мастака знаходзяцца ў шматлікіх прыватных калекцыях і ў музеях Беларусі, а таксама краінах Заходняй Еўропы.
«Для мяне праца над карцінамі з’яўляецца таксама суб’ектыўнай спробай паразважаць над паняццямі дабра і зла, спробай адшукаць візуальны код іх узаемапранікнення, намацаць часам няўлоўную мяжу паміж імі», — гаворыць мастак пра сваю творчасць. «Заставацца шчырым самім з сабой у мастацтве. Я і да сябе гэта адношу. Кампрамісы з сумленнем адклікаюцца вельмі дорага», — перакананы ён.
Выстава будзе працаваць да 3 красавіка 2022 года ў Палацы мастацтваў, вул. Казлова 3.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары