Зяленскі: У Барадзянцы яшчэ больш ахвяраў расійскіх акупантаў, чым у Бучы
Прэзідэнт Украіны Уладзімір Зяленскі заявіў, што ў мястэчку Барадзянка Кіеўскай вобласьці яшчэ больш ахвяраў расійскіх акупантаў, чым у Бучы, фота і відэа з якой шакавалі свет.
«Пачаліся работы яшчэ і па разборы завалаў у Барадзянцы. Там усё значна страшней (чым у іншых вызваленых гарадах Кіеўскай вобласці). Яшчэ больш ахвяраў расійскіх акупантаў. А што ж будзе, калі свет даведаецца ўсю праўду пра тое, што расійскія вайскоўцы зрабілі у Марыупалі? Там амаль на кожнай вуліцы — тое, што свет убачыў у Бучы і іншых гарадах Кіеўскай вобласці пасля сыходу расійскіх войскаў. Такая ж жорсткасць. Такія ж страшныя злачынствы», — сказаў Зяленскі ў відэазвароце.
7 красавіка ў Барадзянцы знайшлі 26 целаў загінулых мірных жыхароў.
Як адзначыла генпракурор Украіны Ірына Венядзіктава, гэта «самы разбураны горад Кіеўшчыны: па ім білі некіраванымі 250-кілаграмовымі фугаснымі авіябомбамі, «Ураганамі» і «Смерчамі»:
«Доказы ваенных злачынстваў РФ тут на кожным кроку: пад аптэкай забароненая касетная бомба, уздоўж дарогі — спаленая транспартная зарадная машына «Смерча», а пад ёй ракета, якая ляціць да 90 км і нясе смерць і руіны», — сказала Венядзіктава, дадаўшы, што колькасць ахвяраў сярод мірнага насельніцтва цяжка прадказаць.
Раней мэр Бучы Анатоль Федарук заявіў, што сабралі 320 целаў забітых. Ідэнтыфікавалі 163 чалавек.
-
Юнак з Бураціі тры гады марыў ваяваць ва Украіне. Падпісаў кантракт на наступны дзень пасля 18‑годдзя — і праз два месяцы загінуў
-
Дональд Туск дапускае прамыя расійскія ўдары па тэрыторыі Польшчы ў найбліжэйшы час
-
У час удару па ўкраінскім памежным пераходзе там былі еўрапейскія дарадцы па бяспецы і Борыс Джонсан
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары