Ведаеце адчуванне, калі нешта плавае перад вачамі? Вось адкуль яно
Калі доўгі час глядзець на яркае святло, а потым перавесці позірк у іншы бок, можа скласціся ўражанне, што перад вачамі плаваюць дзіўныя палоскі, ніткі і кропкі. Звычайна яны хутка знікаюць і зрок робіцца нармальным. Ці значыць гэтая з’ява, што з вачамі нешта не так?
Гэтыя дзіўныя вобразы ў медыцыне вядомыя як памутненні шклавіднага цела, то-бок адной з частак нашага вока. Насамрэч палоскі ды ніткі, якія мы бачым, знаходзяцца ўнутры вока, тлумачыць medonet.pl.
Вочны яблык запоўнены падобнай да жэле масай — шклопадобным целам, і часам у ім з’яўляюцца памутненні. Гэтыя ўчасткі рухаюцца ўслед за рухамі вока і павольна перамяшчаюцца, нібыта плывуць.
Калі памутненні знаходзяцца блізка да цэнтра поля зроку, яны могуць адцягваць увагу і прыносіць дыскамфорт. Часцей за ўсё іх можна заўважыць на яркім і ясным фоне, напрыклад, калі вы глядзіце на снег, столь ці на неба, а таксама на фоне манітора камп’ютара.
Памутненні ў шклопадобным целе не ўплываюць на якасць зроку, але варта звярнуць увагу, ці шмат такіх плям бачыць чалавек і ці не працягваецца гэтая з’ява доўгі час. У некаторых выпадках памутненні прыбіраюць хірургічным шляхам.
Адной з прычын такіх памутненняў могуць быць змены ў шклопадобным целе. На 99% яно складаецца з вады, але яшчэ там ёсць калаген. Ён утварае краты, якія ўтрымліваюць малекулы вады, і калі калаген разбураецца, з’яўляюцца валокны, з якіх і ўтвараюцца памутненні.
Калі ж на мушкі перад вачамі скардзіцца малое дзіця, яны могуць быць рэшткамі гіалоіднай артэрыі — сасуда, які існуе ў вочным яблыку падчас унутрывантробнага развіцця дзіцяці і насычае хрусталік падчас яго развіцця. Потым артэрыя атрафіруецца, але часта унутры вока застаюцца яе рэшткі.
Плакаць — карысна, але рабіце гэта правільна
У чым карысць клубніц і ў якіх абʼёмах іх варта есці
Цяпер чытаюць
Мюнхенская прамова Вэнса пра новую палітыку ЗША і чаканні ад Еўропы — поўны тэкст33
Каментары