З'яўляецца таксама ўсё больш паведамленняў, што ўвечары 18 жніўня абстрэляны вайсковы аэрадром «Бельбек» у паўночнай частцы Севастопаля. Мясцовыя жыхары паведамляюць пра «магутныя выбухі» ў раёне аэрадрома.
Таксама пра гукі выбухаў расказалі суразмоўцы выдання «Агенцтва» з Севастопаля і размешчанага побач з горадам Бахчысарайскага раёна, якія жывуць за некалькі кіламетраў ад аэрапорта «Бельбек». Па словах аднаго з суразмоўцаў «Агенцтва», у раёне аэрадрома бачны дым.
Першы выбух у Севастопалі было чуваць у 22:00, другі— у 22:35.
Агенцтва Reuters паведамляе як мінімум пра 4 выбухі.
Распаўсюджваецца і відэа, на якім, як сцвярджаецца, могуць быць знятыя акурат выбухі на «Бельбеку». Пацвярджэнняў гэтаму, праўда, пакуль няма.
Акупацыйны «губернатар Севастопаля» Міхаіл Разважаеў паведаміў, што каля «Бельбека» нібыта быў сіламі расійскай СПА збіты беспілотнік, «пацярпелых няма».
Цяпер чытаюць
Азаронак напісаў пра палітэмігранта — пасля гэтага брата і бацьку таго кінулі за краты1
Каментары