У студзені—красавіку 2025 года валавы ўнутраны прадукт Беларусі склаў 81,4 мільярда рублёў. Гэта на 2,8% больш, чым за той жа перыяд у 2024 годзе, паведаміў Белстат.
Аднак агульныя тэмпы росту крыху знізіліся: калі за студзень—сакавік ВУП павялічыўся на 3,1%, то цяпер — толькі на 2,8%.
У прамысловасці вырабілі на 1,4% больш прадукцыі, а сельская гаспадарка паказала рост на 1,5%. Інвестыцыі ў асноўны капітал узраслі на 15%, а будаўніцтва жылля — на 12,1%. Павялічыўся і пасажыраабарот — на 7,2%, хоць грузаперавозкі зменшыліся на 3%.
Рознічны гандаль вырас на 10%, грамадскае харчаванне — на 4,8%. А вось аптовы тавараабарот знізіўся на 3,4%.
Сярод усіх сфер найбольш паспяховым было будаўніцтва, якое вырасла на 11,4%. За ім ідуць інфармацыйныя і камунікацыйныя тэхналогіі з ростам на 5,5%. Найменшы рост паказала сфера, звязаная з водазабеспячэннем і ўтылізацыяй адкідаў — усяго на 0,3%. У сельскай, лясной і рыбнай гаспадарцы рост склаў толькі 0,5%.
Сярод рэгіёнаў найлепшы вынік у Мінска — ВУП горада вырас на 5,4%. За ім ідзе Мінская вобласць (плюс 4,7%). А найгоршы вынік паказала Гомельская вобласць — адзіны рэгіён, дзе зафіксавана зніжэнне ВУП на 0,5%.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было1
Каментары