Дзяржаўны сакратар ЗША Марка Рубіа заявіў, што амерыканская адміністрацыя працягвае працаваць над арганізацыяй асабстай сустрэчы амерыканскага прэзідэнта Дональда Трампа і расійскага кіраўніка Уладзіміра Пуціна, піша Бі-бі-сі.
15 мая Трамп заявіў, што да ягнайо асабістай сустрэчы з Пуціным рэальны прагрэс у пытанні ўстанаўлення міру ва Украіне немагчымы. У панядзелак Трамп абяцаў правесці з Пуціным тэлефонную размову, а затым стэлефанавацца з Уладзімірам Зяленскім і прадстаўнікамі краін НАТА.
«Урэшце, адна з рэчаў, якія дапамогуць выйсці з гэтага тупіка, верагодна, адзіная рэч — гэта прамая размова паміж прэзідэнтам Трампам і Уладзімірам Пуціным», — сказаў Рубіа ў эфіры тэлепраграмы CBS Face the Nation.
Рубіа таксама спыталі, ці ідзе ўжо падрыхтоўка да такой сустрэчы.
«Мы, зразумела, зрабілі такую прапанову, прэзідэнт яе ўжо зрабіў публічна, — адказаў кіраўнік Дзярждэпа ЗША. — Тэхнічныя дэталі такой сустрэчы запатрабуюць некаторай працы.
Магу сказаць, што проста цяпер усё гэта плануецца — з пункту гледжання выбару месца і даты. Але прэзідэнт хоча яе правесці, правесці так хутка, як будзе магчыма. Я думаю, што расійскі бок таксама выказаў жаданне зрабіць гэта. І цяпер пытанне толькі ў тым, каб усіх звесці разам, вырашыць, дзе і калі».
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах46
Каментары