Толькі 14 брэндаў з 60-ці засталіся на расійскім аўтамабільным рынку да канца 2022 года, тры з іх расійскія, а астатнія — кітайскія, вынікае з ліста асацыяцыі «Расійскія аўтамабільныя дылеры» у адрас дылераў кітайскіх брэндаў, піша РІА Навіны.
«На сённяшні дзень на нашым аўтарынку новых аўтамабіляў засталося працаваць з 60-ці брэндаў (на пачатак 2022 года) толькі 14. З іх тры брэнды — расійскія: Lada, ГАЗ, УАЗ. Астатнія — кітайскія: Chery, Geely, Haval, Jac, Faw, Dongfeng, Changan, Exeed, Gac, Foton, Omoda», — падкрэслілі ў асацыяцыі.
«З пункту гледжання нацыянальнага міксу (колькасці нацыянальных брэндаў, якія працуюць на нашым рынку) расійскі аўтарынак ужо кітайскі на 78 працэнтаў», — удакладняецца ў лісце.
На гэты момант амаль усе еўрапейскія, амерыканскія і карэйскія брэнды прыпынілі пастаўкі аўтамабіляў у Расію. Мінпрамгандаль, у сваю чаргу, унёс іх у пералік паралельнага імпарту. У яго, у прыватнасці, увайшлі Volkswagen, Skoda, Toyota, Lexus, Nissan, BMW, Mercedes-Benz, Porsche, Lamborghini, Infiniti, Rolls-Royce, Jaguar, Land Rover, Ford, General Motors, Bugatti, Bentley, Jeep, Chrysler, Cadillac, Chevrolet, Dodge, Ferrari, Aston Martin.
Паралельны імпарт паляпшае сітуацыю на расійскім аўтарынку, але цалкам вырашыць яе не можа. У 2023 годзе дэфіцыт прапановы захаваецца, цяпер ён найбольш прыкметны ў сегменце седанаў.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3737
Каментары