«Нанесла мне эмацыйную траўму і выклікала дэпрэсію». Мужчына падаў у суд на сяброўку з-за адмовы стаць яго дзяўчынай
Тая выклік прыняла і падала сустрэчны пазоў за сэксуальныя дамаганні.
У Сінгапуры мужчына падаў іск на суму 3 мільёны даляраў супраць сваёй сяброўкі, якая адмовілася заводзіць з ім рамантычныя адносіны. Пра гэта напісала выданне The Straits Times.
Мужчына па прозвішчы Каўшыган паскардзіўся, што яго сяброўка па прозвішчы Тан сваёй адмовай «прычыніла яму эмацыйную траўму і выклікала дэпрэсію», і патрабаваў ад яе матэрыяльную кампенсацыю пакутаў.
Таксама ён заявіў, што кампенсацыя ў 3 мільёны даляраў за адмову пачынаць рамантычныя адносіны павінна «пакрыць шкоду яго зорнай рэпутацыі актыўнага трэйдара і паспяховага генеральнага дырэктара», з-за якой ён «страціў магчымасць зарабляць грошы, як раней, і быў змушаны звярнуцца да высокакаштоўнай псіхалагічнай дапамогі».
Паводле інфармацыі выдання, Каўшыган і Тан пасябравалі яшчэ ў 2016 годзе. Жанчына бачыла ў ім «добрага сябра», але сам ён хацеў большага.
Пасля атрымання адмовы мужчына спачатку толькі прыгразіў судовым іскам за тое, што «яна бачыць у ім толькі сябра» і паабяцаў нанесці сур'ёзную шкоду яе асабістым і прафесійным інтарэсам, калі яна не падпіша з ім «пагадненне аб наведванні сумесных сеансаў паляпшэння ўзаемаадносін».
Тан пагадзілася на гэта ў надзеі, што Каўшыган з часам змірыцца з немагчымасцю стаць яе хлопцам. Але мужчына ўвесь час парушаў яе асабістыя межы, з-за чаго яна выйшла з пагаднення і падала сустрэчны іск за сэксуальныя дамаганні.
Мужчына ў адказ выканаў пагрозу, але падаў яшчэ і другі іск на суму 22 тыс. даляраў у дадатак да першага з-за парушэння пагаднення аб паляпшэнні ўзаемаадносін. Аднак суд адхіліў яго з-за «злоўжывання судовым працэсам і беспадстаўнасці абвінавачвання» і гэтак жа сама ставіцца да першага іску на 3 млн. даляраў, які будзе разгледжаны ў пачатку лютага.
Чытайце яшчэ:
«Пачаўся абсалютны трэш: людзі сталі запампоўваць бязглуздыя відэа і дзікпікі». Гутарка са стваральнікам беларускага дадатку для знаёмстваў
Порна ў розных краінах Еўропы: у чым адрозненне
Даследчыкі выявілі яшчэ адзін карысны эфект ад «Віягры»
Цяпер чытаюць
Алексіевіч: Адно з самых моцных уражанняў у жыцці — калі я апынулася ў натоўпе ў 2020 годзе6
Каментары