Свет1515

Амерыканцы сталі нашмат менш рэлігійнымі і менш мараць пра дзяцей

Патрыятызм, рэлігія і працавітасць маюць для амерыканцаў меншае значэнне, чым раней, паказала апытанне WSJ-NORC.

American flag

Паводле апытання, якое правялі на пачатку сакавіка The Wall Street Journal і незалежная даследчая арганізацыя NORC пры Чыкагскім універсітэце, важнасць патрыятызму адзначылі 38% рэспандэнтаў, а важнасць рэлігіі — 39%. Гэтыя паказчыкі нашмат ніжэйшыя за вынікі апытання, праведзенага ў 1998 годзе, калі патрыятызм лічылі вельмі важным 70% апытаных, а рэлігію — 62%.

Скарацілася і доля амерыканцаў, якія кажуць, што нараджэнне дзяцей, удзел у жыцці грамадства і цяжкая праца — вельмі важныя каштоўнасці. Талерантнасць да іншых, якую яшчэ чатыры гады таму лічылі вельмі важнай 80% амерыканцаў, з таго часу ўпала да 58%.

Па словах Біла Макінторфа, сацыёлага, які працаваў над папярэднім апытаннем, «гэтыя адрозненні настолькі драматычныя, што малююць новы і дзіўны партрэт Амерыкі, якая мяняецца». «Магчыма, нашы палітычныя рознагалоссі, Covid і самая нізкая эканамічная ўпэўненасць за апошнія дзесяцігоддзі дзіўным чынам уплываюць на нашы асноўныя каштоўнасці».

Шэраг падзей страсянуў і ў нейкім сэнсе раскалоў нацыю з тых часоў, як WSJ упершыню задаў пытанне пра каштоўнасці, што аб’ядноўваюць. Сярод гэтых падзей — 11 верасня 2001-га, тэрарыстычныя атакі, фінансавы крызіс 2008-га і наступны эканамічны спад, а таксама прыход да ўлады былога прэзідэнта Дональда Трампа.

Адзіным надзейным прыярытэтам, важнасць якога за апошнюю чвэрць стагоддзя ўзрасла, сталі грошы, якія ў новым апытанні назвалі вельмі важнымі 43% у параўнанні з 31% у 1998-м.

Патрыятызм супраць індывідуалізму

Па меркаванні камерцыйнага мастака Кевіна Уільямса, патрыятызм як грамадзянская каштоўнасць зніжаецца ў тандэме з павышэннем індывідуалізму і змяншэннем удзелу ў жыцці грамадства — магчыма, праз тое, што людзі засяроджваюцца на сваёй расавай ці культурнай адметнасці, а не на тым, што амерыканцы маюць агульнага.

52-гадовая спадарыня Баер, пісьменніца і дызайнерка ювелірных упрыгажэнняў, кажа, што сёння патрыятызм набыў палітычнае адценне і больш не мае для яе значэння. «Для мяне патрыятызм ператварыўся ў правы нацыяналізм», — кажа спадарыня Баер, якая падтрымала прэзідэнта Байдэна ў 2020 годзе.

Палітычныя рознагалоссі таксама яе непакояць. «Раней рэспубліканцы і дэмакраты паважліва ставіліся адзін да аднаго, — кажа жанчына. — Яны не паводзілі сябе так, як быццам яны на школьным двары, помсцяць і на ўсё рэагуюць».

На пытанне, якія каштоўнасці аб'ядноўваюць нацыю, 43-гадовая Элана Рэйзер назвала эканамічныя магчымасці. «Незалежна ад вашага адпраўнога пункта, вы заўсёды можаце дабіцца поспеху», — кажа яна.

Нягледзячы на тое, што многія ўдзельнікі апытання ацанілі Амерыку як выключную краіну, якая стаіць вышэй за іншыя краіны свету, доля тых, хто сказаў, што іншыя краіны лепшыя, чым ЗША, вырасла да 27% у параўнанні з 19%, калі тое ж пытанне задавалі ў 2016 годзе.

Па словах Эланы Рэйзер, выкладчыцы матэматыкі ва ўніверсітэце, больш працяглыя адпачынкі і адпачынкі па доглядзе за дзіцем у некаторых еўрапейскіх краінах азначаюць, што ў іх лепшая якасць жыцця. «У Амерыцы вы, па сутнасці, павінны працаваць усё сваё жыццё, і ў вас няма перапынкаў».

Розныя погляды рэспубліканцаў і дэмакратаў

Апытанне выявіла рэзкія адрозненні паміж поглядамі прадстаўнікоў розных палітычных партый па актуальных сацыяльных пытаннях, такіх як імкненне да расавай разнастайнасці і прыняцце трансгендарных людзей.

Так, крыху больш за палову рэспубліканцаў заявілі, што грамадства зайшло занадта далёка ў пытаннях заахвочвання да расавай і этнічнай разнастайнасці, у параўнанні з 7% дэмакратаў.

Тры чвэрці рэспубліканцаў заявілі, што грамадства зайшло занадта далёка ў прыняцці трансгендарных людзей, а 56% дэмакратаў сказалі, што — недастаткова далёка.

Сярод рэспубліканцаў 80% апытаных заявілі, што кампаніі не павінны займаць публічную пазіцыю па сацыяльных і палітычных пытаннях, а 56% дэмакратаў заявілі, што павінны.

Чытайце яшчэ:

Вярнуцца ў Беларусь плануюць 42%. Што паказала даследаванне беларусаў замежжа 

83% грамадзян Украіны хочуць, каб украінская была адзінай дзяржаўнай мовай

Беларуская эмігрантка ў Амерыцы стала інстаграм-блогеркай — расказвае пра падзеі ў Мінску і збірае сотні тысяч праглядаў

Каментары15

  • Рыгор
    28.03.2023
    Мойша, Я за рэспубліканцаў і асабліва за Трампа.
  • Рыгор
    28.03.2023
     «Раней рэспубліканцы і дэмакраты паважліва ставіліся адзін да аднаго, — кажа жанчына. — Яны не паводзілі сябе так, як быццам яны на школьным двары, помсцяць і на ўсё рэагуюць».
    Калі амерыканцы абралі прэзідэнтам Трампа, левыя арганізавалі яго траўлю, на самой справе кідаліся як сабакі. Менавіта дэмакраты публічна абражалі прыхільнікаў Трампа. Ужо 7 год яны адкрыта раз'ядноўваюць грамадства, змагаюцца супраць хрысціанскай і іудзейскай рэлігіі, мусіруюць і насаджаюць сацыяльныя пытанні, такія як імкненне да расавай разнастайнасці і прыняцце трансгендарных людзей.
    Пра усё гэта папярэджваў у свой час Юры Безменаў.
  • Дождь
    28.03.2023
    Какая религия и дети? Там пропаганда смены пола начинается в младших классах школы.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

УСУ паведамляюць пра знішчэнне «вялікай групы дыверсантаў» у тунэлі1

УСУ паведамляюць пра знішчэнне «вялікай групы дыверсантаў» у тунэлі

Усе навіны →
Усе навіны

Maxar пацвердзіў, што адключыў доступ Украіны да спадарожнікавых здымкаў па рашэнні ўрада ЗША1

Сілавікі заявілі пра ўзлом рэсурсаў «Белпола». А як на самай справе?14

У Расіі настаўнік проста на ўроку ўключыў сабе порна, але забыўся выключыць праектар15

«Взвейтесь кострами» ў іншай форме вярнулася ў школы». Што цяпер адбываецца ў беларускай адукацыі?3

Трамп заявіў, што яму больш складана дамаўляцца з Украінай, чым з Расіяй12

Футбольны клуб «Віцебск» распрацаваў новую форму ў стылі супрэматызму ФОТЫ2

Памёр Аляксандр Зіменка

Беларускія навукоўцы з дапамогай ДНК-тэхналогій адновяць выгляд знатнай жанчыны, якая жыла ў Тураве ў XII стагоддзі3

Полк Каліноўскага бярэ ўдзел у абароне Пакроўска ФОТЫ11

больш чытаных навін
больш лайканых навін

УСУ паведамляюць пра знішчэнне «вялікай групы дыверсантаў» у тунэлі1

УСУ паведамляюць пра знішчэнне «вялікай групы дыверсантаў» у тунэлі

Галоўнае
Усе навіны →

Заўвага:

 

 

 

 

Закрыць Паведаміць