Дэмакраты і рэспубліканцы пакуль маюць роўную колькасць месцаў у Сенаце, аднак на выбарах у Палату прадстаўнікоў Рэспубліканская партыя вырвалася наперад з адрывам — 185 супраць 155 месцаў. Для большасці неабходна заняць 218 месцаў, піша РБК.
Рэспубліканская партыя ЗША папярэдне займае 185 месцы супраць 155 у Дэмакратычнай партыі ў Палаце прадстаўнікоў ЗША, у Сенаце рэспубліканцы і дэмакраты занялі па 46 месцаў, падлічыў тэлеканал CNN.
Для большасці ў Палаце прадстаўнікоў неабходна заняць 218 месцаў, у Сенаце — 50. У выпадку роўнай колькасці месцаў у абедзвюх партый у Сенаце, вырашальны голас застаецца за віцэ-прэзідэнтам ЗША, гэтую пасаду цяпер займае дэмакрат Камала Харыс.
Падлік галасоў працягваецца.
Выбары ў Кангрэс прайшлі 8 лістапада, апошнія два гады Дэмакратычная партыя мела большасць як у Палаце прадстаўнікоў, так і ў Сенаце (за кошт голасу віцэ-прэзідэнта Камалы Харыс), што дазваляла ёй не толькі прызначаць сваіх прадстаўнікоў на вышэйшыя пасады ў ключавых камітэтах кангрэса, але і бесперашкодна праводзіць ініцыятывы прэзідэнта Джо Байдэна. Як правіла, кіруючая партыя губляе частку сваіх месцаў падчас прамежкавых выбараў у ЗША.
Дэмакрат, прэзідэнт ЗША Джо Байдэн папярэджваў, што партыя не можа дазволіць прайграць прамежкавыя выбары, паколькі такі вынік пагражае зрабіць цяжкімі наступныя два гады да найбліжэйшых выбараў. «Добрая навіна ў тым, што ў мяне будзе асадка для падпісання вета», — пры гэтым адзначаў ён.
Цяпер чытаюць
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары