СБУ афіцыйна выставіла абвінавачванні мітрапаліту Паўлу. Справа была заведзеная на падставе праслухоўвання тэлефона
Служба бяспекі Украіны выпусціла афіцыйны прэс-рэліз аб крымінальных справах, заведзеных у дачыненні да намесніка Кіева-Пячэрскай лаўры мітрапаліта Паўла.
Яго падазраюць у распальванні міжрэлігійнай варожасці, апраўданні і адмаўленні ўзброенай агрэсіі Расіі супраць Украіны, піша Бі-бі-сі.
«Устаноўлена, што Лебедзь у сваіх публічных выступах неаднаразова абражаў рэлігійныя пачуцці ўкраінцаў, прыніжаў погляды вернікаў іншых канфесій і спрабаваў сфармаваць варожыя настроі да іх, а таксама рабіў заявы, якія апраўдваюць або адмаўляюць дзеянні краіны-агрэсара. Гэта пацвердзіла і ініцыяваная Службай бяспекі судова-лінгвістычная экспертыза», — гаворыцца ў заяве ведамства.
СБУ таксама апублікавала запісы перахопленых размоў, у яуіх мітрапаліт Павел станоўча выказваецца пра акупацыю Херсона расійскімі вайскоўцамі і просіць маліцца за Патрыярха Кірыла.
«Закон і адказнасць за яго парушэнне аднолькавыя для ўсіх, а рыза не заўсёды з'яўляецца залогам чыстых намераў. Сёння вораг спрабуе выкарыстоўваць царкоўнае асяроддзе для прасоўвання прапаганды і расколу ўкраінскага грамадства», — гаворыцца ў заяве.
Прадстаўнікі УПЦ (да нядаўняга часу — Маскоўскага патрыярхату) заяўляюць, што разарвалі сувязі з расійскай царквой.
У суботу раніцай, выступаючы перад сваімі прыхільнікамі, Павел заявіў: «Тое, што зрабіў Пуцін, ніяк не апраўдваецца. Я заўсёды стаяў, стаю і буду стаяць на абароне сваёй краіны, сваёй Радзімы».
Чытаць таксама:
У намесніка Кіева-Пячэрскай Лаўры праводзяць вобшук. Яму ўручылі падазрэнне
Ва УПЦ прыгразілі Зяленскаму «божай карай» з-за высялення манахаў з Кіева-Пячэрскай лаўры
УПЦ Маскоўскага патрыярхату адмаўляецца сыходзіць з Кіева-Пячэрскай лаўры
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС11
Каментары