У сваякоў актывіста дэмакратычнага руху Аляксандра Стральцова правялі ператрус. Самога Аляксандра ў краіне няма яшчэ са снежня 2021 года. Сілавікі правялі ператрус не толькі ў кватэры маці Стральцова, але нават у вясковай хаце яго цёткі.
Сілавікі не растлумачылі ў чым падазраюць Аляксандра.
Аляксандр Стральцоў быў актыўным удзельнікам вулічных акцый пратэсту. Ён неаднаразова выступаў падчас імправізаваных мітынгаў.
У снежні 2021 года Стральцоў з’ехаў ва Украіну. З пачаткам вайны запісаўся ў тэрытарыяльную абарону, а потым уступіў у шэрагі палка імя Каліноўскага. Аляксандр паведаміў «Нашай ніве», што пасля таго, як ён атрымаў траўму, камандаванне прыняло рашэнне, што яму лепш з’ехаць на рэабілітацыю ў Польшчу. Цяпер ён знаходзіцца там.
Сам Аляксандр лічыць, што сілавікі могуць распачаць супраць яго крымінальную справу і за ўдзел у акцыях народнага пратэсту супраць фальсіфікацыі вынікаў прэзідэнцкіх выбараў, а таксама і за яго ўдзел у вайсковым фармаванні ва Украіне.
Праваабаронцы паведамляюць пра ператрусы і затрыманні ў Дзяржынску
Экс-кандыдатку ў прэзідэнты Таццяну Караткевіч пасадзілі на 15 сутак16
Экс-кандыдатку ў прэзідэнты Таццяну Караткевіч пасадзілі на 15 сутак
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары