На сёлетняй кніжнай выставе ў Беластоку будзе працаваць павільён беларускіх кніг
21-23 красавіка ў Беластоку будзе працаваць вялікая Кніжная выстава, а на ёй — беларускі павільён, зладжаны выдавецтвам «Янушкевіч».
Выдавецтва «Янушкевіч» прадставіць у Беластоку тры прэм’еры:
- Алесь Кудрыцкі «Казік з Каменнай Горкі і Вядзьмак Схаванага Горада» — наш адказ Гары Потэру!
- Валер Гапееў «Вольнеры. Прадвесце» — самае беларускае фэнтэзі.
- «Ніколі болей. Успаміны рэпрэсаваных гарадзенцаў» — пра досвед сталінскага ГУЛагу.
У афіцыйнай праграме выставы — два мерапрыемствы з удзелам Уладзіміра Арлова і Алеся Кудрыцкага.
Абяцаюць яшчэ сюрпрызы, якія прыйдуцца вам вельмі даспадобы.
Паркоўка і ўваход на кірмаш будуць бясплатныя ўсе тры дні.
Каментары