Аб прыездзе кіраўніка так званай «Данецкай Народнай Рэспублікі» Дзяніса Пушыліна да Аляксандра Лукашэнкі паведамілі беларускія дзяржаўныя СМІ.
«Працы наперадзе шмат. Трэба аднаўляцца. Трэба прамысловыя прадпрыемствы адраджаць, сельскую гаспадарку. У рэшце рэшт людзі там жыць будуць. Гэта 100%. І карміць людзей жа трэба. Таму мы гатовыя аказаць адпаведную дапамогу і падтрымку для таго, каб не чужыя нам людзі там нарэшце перасталі пакутаваць. Таму я чакаю такой шчырай ад вас размовы», — сказаў Аляксандр Лукашэнка госцю.
41-гадовы Дзяніс Пушылін узначальвае створаную расіянамі адміністрацыю акупаваных тэрыторый Данецкай вобласці Украіны. Ëн быў прызначаны ў 2018 годзе пасля забойства яго папярэдніка, Аляксандра Захарчанкі, які загінуў ад выбуху бомбы, закладзенай у рэстаране, дзе ён вячэраў.
Раней Беларусь афіцыйна не прызнавала прыналежнасці да Расіі акупаваных ёю ўкраінскіх рэгіёнаў.
Калі летам 2022 года Пушылін наведваў Брэст, то сустракаліся з ім чыноўнікі невысокага рангу. З ім не палічыў патрэбным сустрэцца нават старшыня Брэсцкага аблвыканкама, не кажучы пра каго-небудзь высокапастаўленага з Мінска. Дзяржаўнае агенцтва БелТА не напісала тады ні слова аб прыездзе Пушыліна ў Брэст.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта14
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары