Рызыка сардэчных захворванняў ніжэйшая, калі атлусценне звязанае з генетыкай, а не ладам жыцця
Адным з тыпаў захворванняў, цесна звязаных з атлусценнем, з'яўляюцца сардэчна-сасудзістыя захворванні, якія, па даных Сусветнай арганізацыі аховы здароўя, ёсць галоўнай прычынай смерці ва ўсім свеце.
The Conversation распавядае пра нядаўняе даследаванне, у якім вывучалася сувязь паміж атлусценнем і сардэчна-сасудзістымі захворваннямі. У прыватнасці, даследчыкі хацелі даведацца, ці адрозніваецца рызыка, калі атлусценне абумоўленае генетычнай схільнасцю, і калі яно выкліканае іншымі фактарамі.
Само даследаванне абапіралася на інфармацыю пра ІМЦ (індэкс масы цела) 15000 шведскіх блізнят, якія нарадзіліся да 1959 года, і наяўнасць у паддоследных генетычнай схільнасці да больш высокага ці больш нізкага ІМЦ. Добра вядома, што высокі ІМЦ негатыўна ўплывае на наша здароўе.
Выявілася, што рызыка сардэчна-сасудзістых захворванняў у сярэднім на 76% вышэй у людзей з атлусценнем у параўнанні з людзьмі са здаровай вагой. Не асабліва дзіўны вынік. Тым не менш, гэтая сувязь была ўдвая мацнейшая ў тых, хто мае генетычную схільнасць да нізкага ІМЦ. У такіх людзей атлусценне было вынікам іншых фактараў, такіх як навакольнае асяроддзе або лад жыцця.
Папярэднія даследаванні таксама паказалі, што людзі з атлусценнем, выкліканым галоўным чынам фактарамі навакольнага асяроддзя, маюць больш высокую рызыку дэменцыі, дыябету і праблем з сэрцам, а таксама большую верагоднасць ранняй смерці ў цэлым, у параўнанні з людзьмі з атлусценнем з-за генетычных фактараў.
Нягледзячы на тое, што высновы навукоўцаў разам з іншымі даследаваннямі паказваюць, што атлусценне «менш шкоднае», калі яно звязанае з генетычнай схільнасцю да больш высокага ІМЦ, чым калі яно звязанае з іншымі фактарамі, даследчыкі заўважаюць пры гэтым, што ІМЦ з’яўляецца абмежаваным інструментам даследавання.
Да таго ж, на жаль, цяжка даведацца, ці ёсць у вас генетычная схільнасць да больш высокага ІМЦ. Атлусценне — гэта складанае захворванне, на якое могуць уплываць як генетыка, так і шматлікія іншыя фактары (у тым ліку сацыяльна-эканамічны статус і псіхічнае здароўе), якія немагчыма ўлічыць пры вымярэнні ІМЦ. А здаровы лад жыцця відавочна важны, незалежна ад ІМЦ. Таму нашмат важней разгледзець непасрэдныя прычыны атлусцення і што можна зрабіць, каб знізіць рызыку пагаршэння здароўя для кожнай канкрэтнай асобы.
Чытайце таксама:
Пра інфаркт па пунктах. Вы павінны гэта ведаць, каб здолець выратаваць блізкага
Гэтыя прадукты павялічваюць рызыку развіцця раку
Навукоўцы не могуць прыйсці да згоды адносна таго, што выклікае атлусценне
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам17
Каментары