Еўрасаюз прыдумляе, як уздзейнічаць на краіны, што дапамагаюць абыходзіць санкцыі
Еўрапейскі саюз абмяркоўвае новы механізм другасных санкцый супраць дзяржаў, якія дапамагаюць абыходзіць абмежаванні. Для гэтага будуць створаныя два чорныя спісы — краін-парушальнікаў і тых, якім забаронены продаж тавараў, паведамляе Bloomberg.
У ЕС занепакоеныя недастатковай эфектыўнасцю гандлёвых абмежаванняў, уведзеных у дачыненні да Расіі, Беларусі і шэрагу іншых дзяржаў. Напрыклад, імпарт у Расію паўправаднікоў, інтэгральных схем і іншых тэхналогій з Казахстана, ААЭ, Турцыі і Кітая пасля ўвядзення санкцый вырас у разы.
Таму чыноўнікі Еўрасаюза прыдумалі такі механізм: стварыць два спісы — трэціх краін, якія не змогуць абгрунтаваць вялікі рост паставак у падсанкцыйныя рэгіёны, і забароненых тавараў. Увоз гэтых тавараў у краіны, якія парушаюць рэжым санкцый, у далейшым будзе абмежаваны.
Праўда, уносіць краіны і тавары ў гэтыя спісы збіраюцца толькі са згоды ўсіх членаў Еўрасаюза. Калі ж і гэтыя меры не спрацуюць, то ЕС мае намер уводзіць для парушальнікаў абмежаванні ў дачыненні да паставак іншых ключавых тавараў.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары