На Камароўскім рынку ў Мінску з'явіліся першыя абрыкосы. Як пішуць «Мінск-Навіны», нягледзячы на тое, што за акном яшчэ толькі сярэдзіна першай дэкады мая, абрыкосы ўжо можна знайсці на прылаўках у некалькіх прадаўцоў. Але і цана за кілаграм немаленькая — 70 рублёў.
Праўда, калі пачынаецца сезон, любая садавіна таннее. Так, чарэшня на рынку гэтым разам каштуе ад 18 да 40 рублёў за кіло, у той час як на мінулым тыдні цана даходзіла і да 100.
Ёсць у продажы і клубніцы. Калі купляць невялікія ягады, то такія можна знайсці па 12 рублёў, а калі цікавяць адборныя і наліўныя клубніцы, то аддаць давядзецца ад 30 да 55 рублёў.
Асабліва вялікая розніца ў цэнах на ківі — ад 3 да 65 рублёў за кілаграм. Вінаград можна знайсці па цане ад 8,5 да 35 рублёў, апельсіны — ад 3,5 да 35 рублёў, яблыкі — ад 2,5 да 25 рублёў за кіло.
З псіхбальніцы збег былы начальнік Ганцавіцкай міліцыі13
Каментары
і даляр зараз не па 2 рублі