Як стала вядома «Нашай Ніве», лідар «Маладога Фронту», а цяпер — баец батальёна «Волат» Палка імя Кастуся Каліноўскага Дзяніс Урбановіч атрымаў ужо чацвёртае раненне на вайне за незалежнасць Украіны.
Раненне баец атрымаў у Бахмуце, дзе цяпер ваюе ў тым ліку батальён «Волат» палка Кастуся Каліноўскага.
Пра гэта «Нашай Ніве» паведамілі пабрацімы байца. Раненне байца характарызуюць як «не цяжкае». Ён знаходзіцца на лячэнні.
Сам Урбановіч пакуль свайго стану не каментаваў.
Гэта ўжо чацвёртае раненне лідара «Маладога Фронту».
Да таго раз яго кантузіла, аскепак залятаў у руку, а куля — у грудзі. Кожны раз Дзяніс вяртаўся на фронт.
«Трапіла куля проста ў грудзі і пайшла па целе, ды ўперлася ў рэбры. Дыхаць не вельмі добра, лёгкае пашкоджанае», — флегматычна апісваў адно са сваіх папярэдніх раненняў каліновец.
Дзяніс Урбановіч мае пазыўны «Ваўкалак».
Вядома пра 22 беларусаў, якія загінулі пасля лютага 2022-га, баронячы Украіну і Беларусь. Яшчэ чацвёра зніклі без вестак, двое трапілі ў палон. Усяго ў складзе ўкраінскай арміі ваююць сотні грамадзян беларусаў.
Баі за Бахмут ідуць ужо 9 месяцаў. Гэты кірунак застаецца адным з самых гарачых месцаў на фронце. Ад 10 мая ўкраінскія войскі тут перайшлі ў контрнаступ і ў зацятых баях вярнулі кантроль над 25 квадратнымі кіламетрамі на поўнач і паўднёвы захад ад горад, у тым ліку над шэрагам важных вышынь.
Беларускія падраздзяленні панеслі цяжкія страты пад Бахмутам. Некалькі чалавек загінула
Украінскі контрнаступ: як ён паўплывае на Беларусь і ці з’явіцца ў Лукашэнкі шанс праявіць самастойнасць?
Як ацэнка сілаў беларускіх добраахвотнікаў уплывае на палітыку Лукашэнкі
«Мы пачалі страляць адзін у аднаго з 10 метраў». Каліновец бачыў твар расіяніна, які ў яго страляў, і апісвае гэты момант
«Трапіла куля проста ў грудзі і пайшла па целе». Дзяніс Урбановіч пра свой стан пасля трэцяга ранення
Кубракоў даводзіў, што міліцыянт Згірскі не датычны да банды налётчыкаў. Цяпер таго судзяць — пагражае да 20 гадоў3
Каментары
ага-ага
працаваць у калгасе западло было, а тут герой