Футбаліст грэчаскага клуба «Ларыса» Антоніё дэ Нігрэс быў дастаўлены ў шпіталь у панядзелак раніцай. Выратаваць 31‑гадовага мужчыну медыкі не змаглі. Папярэдняя версія смерці — сардэчны прыступ.
У футбаліста засталася жонка і пяцігадовая дачка.
Дэ Нігрэс перайшоў у «Ларысу» сёлета ў жніўні. Да гэтага ён выступаў за турэцкі «Анкарагюджу». Гуляў у чэмпіянатах Іспаніі (за «Вільярэал»), Бразіліі («Сантас»).
За зборную Мексікі футбаліст правёў 16 паядынкаў, у якіх забіў чатыры галы.
Гэта ўжо не першы падобны выпадак сёлета. У жніўні не стала капітана іспанскага «Эспаньола», абаронцы Даніэля Харке. Ён памёр ад сэрцавай недастатковасці падчас перадсезоннага збору каманды ў Італіі.
Таксама на мінулым тыдні скончыў жыццё самагубствам варатар зборнай Германіі Роберт Энке.
0
0
0
0
0
0
