«Лапата і да вас даляціць». Спявак, які выконвае песні нявесткі Лукашэнкі, пакрыўдзіўся на жарты ў ютубе
Блогеры Глеб Сямёнаў і Іван Прус вядуць іранічнае ютуб-шоу «О(б)суждаем». Яны часта абмяркоўваюць беларускую эстраду, што не ўсім героям падабаецца. Спявак Дзмітрый Азаранка, які праславіўся ў інтэрнэце песняй «Беларуская жонка» (словы да яе напісала Ганна Лукашэнка), пакрыўдзіўся і запісаў зварот у адказ.
Хлопцаў ён параўнаў з дварнякамі.
«Ёсць такія блогеры, дварнякі, якія хуценька звінцілі, збеглі за мяжу і там дазваляюць адкрываць сабе рот, гаўкаць на ўсіх, зневажаць не толькі мяне, але і нашага любімага прэзідэнта, нашых найлепшых, добрых, цудоўных артыстаў у Беларусі. Зручна гаўкаць за мяжой, але давайце, прыедзьце сюды, зрабіце інтэрв'ю», — звярнуўся Азаранка.
Разумеючы, што блогераў могуць пасадзіць, калі б яны вярнуліся ў Беларусь, дадаў, што яму асабліва цікава, «куды іх паселяць».
«Хутка лапата і да вас даляціць і так трэсне добра па галаве, што, напэўна, ніякі доктар не дапаможа», — стаў пагражаць спявак лукашэнкаўскай эстрады.
А на заканчэнне сказаў пра ютуб-шоу блогераў: «Сорамна, не смешна».
Раней на хлопцаў за жарты ў эфіры навялі псоту спявачкі сёстры Груздзевы.
«Я павінен пазваніць нашаму куратару». Як завозілі мігрантаў у Беларусь — цікавыя дэталі з перахопленых тэлефонных размоў3
Каментары